इलेक्शन किंग, माजी निवडणूक आयुक्त शेषन यांचं निधन

राजकारण्यांच्या मनात धडकी भरवणारा प्रशासक... इलेक्शन किंग, माजी निवडणूक आयुक्त शेषन यांचं निधन


...

• राजकारण्यांच्या मनात धडकी भरवणारा प्रशासक... इलेक्शन किंग, माजी निवडणूक आयुक्त शेषन यांचं निधन एका पर्वाचा अस्त झाला देशात सर्वात प्रथम मतदान कार्ड सुरू करणारा अधिकारी आणि राजकारण्यांच्या मनात धडकी भरवणारा प्रशासक... भारतीय निवडणुकांचा चेहरामोहरा बदलणारा माजी निवडणूक आयुक्त, अशी ओळख असणाऱ्या टी. एन. शेषन यांचं आज दीर्घ आजारानं निधन झालं. त्यांच्या निधनामुळे एका पर्वाचा अस्त झाला आहे.  १९९० ते १९९६पर्यंत शेषन यांनी मुख्य निवडणूक आयुक्त म्हणून कार्यभार सांभाळला. या काळात त्यांनी भारतीय निवडणुकांचा चेहराच बदलून टाकला. अनेक नियम करून त्यांनी राजकारण्यांना जरब बसवली. त्यांनीच मतदान कार्ड सुरू करून बोगस मतदानावर नियंत्रणही आणलं होतं. १९९६मध्ये त्यांना रॅमन मॅग्सेस पुरस्कार देऊन गौरविण्यात आलं होतं. राजकारणी एक तर ईश्वराला आणि दुसरे शेषन यांना घाबरत असल्याचं त्याकाळात म्हटलं जायचं, एवढा त्यांचा दरारा होता. त्यांनी तात्कालीन पंतप्रधान नरसिंह रावांपासून ते बिहारचे तत्कालीन मुख्यमंत्री लालूप्रसाद यादव यांनाही सोडलं नाही. त्यांनी बिहारच्या निवडणुका रद्द करून मतदान केंद्र कॅप्चरींग करण्याचे प्रकारही रोखले. त्यासाठी त्यांनी सेंट्रल पोलीस फोर्सचाही वापर केला.  १९९२मध्ये उत्तर प्रदेशात निवडणुका होत्या. त्यावेळी त्यांनी जिल्हा दंडाधिकारी, पोलीस अधिकारी आणि २८० पर्यवेक्षकांना एकही चूक खपवून घेणार नसल्याचा दमच भरला होता. तसेच उत्तर प्रदेशातील ५० हजार गुन्हेगारांना एक तर जामीन घ्या किंवा स्वत:ला पोलिसांच्या हवाली करा, असा इशाराही दिला होता.  शेषन हे मुख्य निवडणूक आयुक्तपदी आरूढ होण्याआधी त्या पदाचे अधिकार, त्यांची व्याप्ती या बाबींची सर्वसामान्यांना कुठलीही कल्पना नव्हती. मात्र, अतिशय कडक शिस्तीचे शेषन यांनी निवडणूक आचारसंहिता, प्रचारावरील खर्च यांबाबतचे निर्बंध अतिशय कठोरपणे अंमलात आणले. त्यामुळे अनेकदा त्यांचे राजकारण्यांशी खटके उडाले. मात्र सर्वसामान्यांत ते चांगलेच लोकप्रिय झाले.  इलेक्शन किंग, माजी निवडणूक आयुक्त शेषन यांचं निधन .---