गुरूवर्य ज्ञानेश्वर माऊली चाकरवाडीकर यांच्या स्मरणार्थ होणाऱ्या अखंड हरिनाम सप्ताह व सामुहिक ज्ञानेश्वरी पारायणात सहभागी व्हा

परळी/प्रतिनिधी
प.पू.गुरूवर्य ह.भ.प.ज्ञानेश्वर माऊली महाराज चाकरवाडीकर यांच्या 18 व्या पुण्यस्मरणार्थ होणारा वार्षिक सप्ताह दै.मराठवाडा साथी, बियाणी परिवार, राधा मोहन प्रतिष्ठाण व अ.भा.वारकरी मंडळाच्या वतिने गुरूवार दि.21 जुनपासून थर्मल कॉलनीमधील श्री हनुमान मंदिरात प्रारंभ हेात आहे.
या सप्ताहात भागवताचार्य ह.भ.प.भरत महाराज जोगी यांची श्रीमद भागवत कथा ज्ञान यज्ञ सोहळा, ग्रंथराज श्री ज्ञानेश्वरी पारायण होणार असून ज्ञानेश्वरी व्यासपिठप्रमुख माणिक दादा बिडगर आहेत. तसेच रोज रात्री परिसरातील नामवंत किर्तनकारांची किर्तने होणार आहेत.
या अखंड हरिनाम सप्ताहातील धार्मिक कार्यक्रमात व सामुहिक ग्रंथराज ज्ञानेश्वरी पारायण सोहळयात परिसरातील भाविकांनी सहभागी व्हावे असेआवाहन राधाबाई बियाणी, चंदुलाल बियाणी, सतिश बियाणी, सप्ताहाचे संयोजक  तथा अ.भा.वारकरी मंडळाचे विभागीय अध्यक्ष ह.भ.प.रामेश्वर महाराज कोकाटे, तालुका सचिव ह.भ.प.विश्वास महाराज पांडे यंानी केले आहे.